Basketboll: Majami i dobët pa Uejdin dhe O’Nillin

Skuadra kampione në fuqi e NBA-së, Majami Hit ka përjetuar humbjen e 17-të në këtë edicion. Mbrëmë të përzgjedhurit e Pit Rajlit kanë pësuar humbje nga Orlando, me rezultat 97:68.
Orlando Mexhik e shfrytëzoi në mënyrën më të mirë të mundshme mungesën e Duejn Uejdit dhe Shakill O’Nillit në radhët e Majamit. Më i spikaturi në fitoren e Orlandos në këtë takim ishte Duajt Hauard, me 18 pikë e 10 kërcime, derisa 16 pikë i realizoi Trevor Ariza. Ndërkohë, në mungesë të dy yjeve kryesore të Majamit, rolin e shënuesit më të mirë tek kampionët në fuqi e mori Xhejson Kapono, me 16 pikë. Nju Xhersi Nets realizoi fitoren e dytë të njëpasnjëshme, kësaj radhe duke e mposhtur Minesotën, me shifrat 100:92. Lojtari më i dalluar në këtë takim ishte Riçard Xheferson, me 23 pikë të shënuara.

Rezultatet
Orlando - Majami 97:68
Nju Xhersi – Minesota 100:92
Sharlot - Indiana 113:102
Memfis - Toronto 110:104
Çikago - Klivlend 103:96
Miluoki - Uashington 119:102
Dallas - Nju Orlins 94:80
Juta - Portland 96:86
Sakramento - Golden Stejt 119:96

beratsherifi